ԱՄՆ-ը սպառնացել է պատժամիջոցներ սահմանել նավթի չարտոնված վաճառքի փորձերի համար, որը պատկանում է Լիբիայի ազգային նավթային ընկերությանը և վերջինիս գործընկերներին՝ հաղորդում է Pan-African News-ը:
«ԱՄՆ-ը խորապես անհանգստացած է հաղորդագրությունների կապակցությամբ, թե Morning Glory տանկերը Լիբիայի Ալ-Սիդր նավահանգստում պատրաստվում է բեռնել անօրինական ստացված նավթ: Այս գործողությունները հակասում են օրենքին և նշանակում են գողություն լիբիացի ժողովրդից»,- հայտարարել է պետդեպարտամենտի պաշտոնական ներկայացուցիչ Ջեն Պսակին:
Նրա խոսքերով՝ այդ նավթը պատկանում է Լիբիական ազգային նավթային ընկերությանը, վերջինիս գործընկերներին, այդ թվում՝ ամերիկյան կոնցեռններին: Պետդեպարտամենտի ներկայացուցիչը զգուշացրել է, որ այդ կառույցների ցանկացած գործարք կարող է հանգեցնել քաղաքացիական պատասխանատվության, տուգանքների և այլ հնարավոր պատժամիջոցների:
