Կիևն անջատել է պետական գանձարան Ղրիմի ստորաբաժանման էլեկտրոնային համակարգը և արգելափակել է Ղրիմի Հանրապետության բոլոր հաշիվները: Այս մասին հայտնում է INTERFAX-ը՝ հղում անելով ինքնավար հանրապետության փոխվարչապետ Ռուստամ Թեմիրգալիևին:
Թեմիրգալիևի խոսքով՝ չնայած արգելափակմանը՝ Ղրիմի իշխանություններն իրավիճակը վերահսկում են: «Մենք հիմա օպերատիվ կերպով հաշիվներ ենք բացում ռուսական բանկերում, այդ թվում՝ ռուբլով հաշիվներ: Մարդիկ ոչ մի դեպքում առանց թոշակի և աշխատավարձի չեն մնա»,- ասել է նա՝ ավելացնելով, որ «նման իրավիճակի դեպքում էլ Ղրիմը կարող է ինքնավար ապրել»:
Մարտի 16-ին Ղրիմում երկու հարցով հանրաքվե կանցկացվի՝ «Դուք կո՞ղմ եք ՂԻՀ-ի՝ որպես կազմի սուբյեկտ ՌԴ կազմ մտնելուն» և «Դուք կո՞ղմ եք Ղրիմի 1992-ի Սահմանադրության վերականգնմանը և որպես Ուկրաինայի բաղադրիչ մաս մնալուն»:
