«Այս 20 մլն ԱՄՆ դոլար արժողությամբ վարկային պայմանագիրը համահունչ է FMO-ի վարած անհավասարությունների նվազեցման ռազմավարությանը, և ՀԱՅԷԿՈՆՈՄԲԱՆԿԸ ներգրավված միջոցներն ուղղելու է առավել մեծ ուշադրության կարիք ունեցող թիրախային խմբերին՝ միկրոձեռնարկություններին, կին և երիտասարդ ձեռներեցներին, որոնք նպաստելու են Հայաստանի տնտեսության զարգացմանը»,- նշեց Հոլանդական զարգացման բանկի (FMO) գլխավոր ներդրումային մասնագետ Լինդա Բրոխուիզենը:
ՀԱՅԷԿՈՆՈՄԲԱՆԿԸ FMO Հոլանդական զարգացման բանկի հետ սկսել է համագործակցել դեռևս 2010 թվականից: «Արդեն երեք տասնամյակ շարունակ Բանկի հանդեպ վստահության աստիճանի խոսուն ապացույցն են մի շարք առաջնակարգ միջազգային ֆինանսական ընկերությունների հետ լայնածավալ համագործակցության փորձն ու պատմությունը և մեծաքանակ հաջողված նախագծերը»,- նշեց ՀԱՅԷԿՈՆՈՄԲԱՆԿ-ի գործադիր տնօրեն Արամ Խաչատրյանը:
FMO-ի մասին
FMO-ն հոլանդական զարգացման բանկն է, որը, որպես առաջատար ներդրող, աջակցում է զարգացող երկրների և զարգացող շուկաների կայուն մասնավոր հատվածին հավակնոտ ծրագրերում և ձեռնարկատիրություններում ներդրումներ իրականացնելու միջոցով: FMO-ն ունի ավելի քան 45 տարվա ապացուցված ուղեցույց, որը հնարավորություն է տալիս մարդկանց հմտություններ ձեռք բերել և բարելավել իրենց կյանքի որակը: FMO-ն կենտրոնանում է երեք հիմանական ոլորտների վրա, որոնք ունեն զարգացման բարձր ազդեցություն` ֆինանսական հաստատություններ, էներգետիկա և ագրոբիզնես, սնունդ և ջուր: FMO-ն 82 երկրներում ավելի քան 9.6 միլիարդ եվրոյի ներդրումային պորտֆելով աշխարհում մասնավոր հատվածը ֆինանսավորող և զարգացնող ամենամեծ բանկերից մեկն է: Լրացուցիչ տեղեկությունների համար այցելեք www.fmo.nl.
