Ադրբեջանական 1news.az կայքը, վկայակոչելով Россия 24 հեռուստաալիքը, հայտնում է, որ մամլո ասուլիսի ժամանակ Ռուսաստանի արտգործնախարար Սերգեյ Լավրովն անդրադարձել է ղարաբաղյան հակամարտության կարգավորմանը.
«Կազանում նախագահները հայտարարեցին մի շարք կարևոր խնդիրների համաձայնեցման մասին, որոնք նպաստում են հակամարտության կարգավորման վերաբերյալ վերջնական պայմանավորվածության հասնելուն։
ԱՄՆ-ի ու Ֆրանսիայի համաձայնությամբ ու աջակցությամբ կողմերի միջև միջնորդական առաքելությամբ հանդես եկող Դմիտրի Մեդվեդևը վերլուծության է ենթարկել Կազանից հետո ստեղծված իրավիճակը և շուտով որոշում կընդունի հետագա քայլերի ուղղությամբ։
Արդեն երկու տարի է, ինչ Մեդվեդևը նախաձեռնում է Հայաստանի և Ադրբեջանի նախագահների մասնակցությամբ հանդիպումներ՝ ղարաբաղյան հակամարտության կարգավորման վերաբերյալ կոնկրետ պայմանավորվածությունների հասնելու համար։
Կարծում եմ, այժմ մենք հասել ենք այնպիսի իրավիճակի, երբ անհրաժեշտ է որոշում ընդունել։ Ղարաբաղյան հակամարտության կարգավորման աշխատանքները շուտով կշարունակվեն»։
