«Գազպրոմի» վարչության նախագահ Ալեքսեյ Միլլերը հայտարարել է պարտքերի պատճառով ռուսական գազի Ուկրաինա մատակարարումը դադարեցնելու հնարավորության մասին: Այս մասին հաղորդում է Ria Novosti-ն:
Միլլերի խոսքերով`Ուկրաինան փետրվարին գազի համար չի վճարել, իսկ պարտքը հասել է 1.89 մլրդ դոլարի։
«Փաստացիորեն նշանակում է՝ Ուկրաինան դադարել է վճարել գազի համար: Դա ամբողջությամբ հակասում է պայմանագրին և միջազգային առևտրի պրակտիկային: Մենք մեր կողմից միշտ կատարել ենք և կկատարենք մեր պայմանագրային պարտականությունները: Սակայն մենք չենք կարող անվճար գազ մատակարարել: Կա՛մ Ուկրաինան մարում է պարտքը և վճարում ընթացիկ մատակարարումների համար, կա՛մ 2009-ի սկզբի դրությանը վերադառնալու վտանգ է առաջանում»,- հայտարարել է Միլլերը:
