Այսօր ՀՀ-ում ՌԴ դեսպանատան դիմաց կազմակերպվել էր բողոքի ակցիա՝ ընդդեմ Ռուսաստանի կողմից բռնապետական գործողությունների և Պուտինի իշխողական քաղաքականության: Ոստիկանները ամեն կերպ փորձեցին խոչընդոտել ակցիան, ակտիվիստներին հեռացնել դեսպանատան դիմացից:
«Առաջին լրատվական»-ի հետ զրույցում «Ժառանգություն» կուսակցության քարտուղար Ստյոպա Սաֆարյանն ասաց, որ ոստիկանների գործողությունները հակասահմանադրական են, առանց ակցիան սկսելու՝ նրանք իրավունք չունեին քաղաքացիներին հրել և պահանջել անցնել դիմացի մայթ. «Երբ Ռամիլ Սաֆարովի արտահանձնման հետ կապված Հունգարիայի դեսպանատան վրա ձվեր էին նետում, վանկարկում էին, արտոնված էր, բայց երբ խոսքը ՌԴ դեսպանատան մասին է, արգելված է: Սա ցույց է տալիս, որ ՀՀ-ն փորձում է մի կողմ նետել այն ծխածակույթը, որով իրեն պատել էր ոստիկանությունը մի քանի տարի շարունակ, թե ինքը փոխվել է, էվոլյուցիա է ապրել»:
Նրա փոխանցմամբ՝ այսօր մեր ռազմավարական դաշնակից Ռուսաստանի կողմից ձեռնոց է նետվել երկրների ինքնիշխանությանը, Ռուսաստանը դեմ է, որ պետությունները լինեն անկախ, և սա արդեն հայ ժողովրդին մտածելու տեղիք է տալիս:
Նշենք նաև, որ ակցիայի հենց սկսզբում բերման ենթարկվեցին 3 ակտիվիստներ, քիչ անց՝ ևս մեկը: Մասնակիցները դեսպանատան դիմացից երթով շարժվեցին դեպի Կենտրոնի ոստիկանություն, որտեղ տեղափոխել էին իրենց ընկերներին:
Մանրամասները դիտեք տեսանյութում:
