Իտալական կինոյի լեգենդ Կլաուդիա Կարդինալեի հանդերձանքները Փարիզում աճուրդի կհանվեն: Այս մասին հաղորդում է «ՌԻԱ Նովոստին»՝ հղում անելով աճուրդի տան հաղորդագրությանը:
Ինչպես նշվում է, 60-ականների ոճի խորհրդանիշ համարվող դերասանուհու զգեստապահարանից ամռանը 130 ցուցանմուշ է աճուրդի հանվելու:
«Իր ժամանակների մեծագույն դերասանուհիներից մեկը նախընտրել է գեղեցիկ, շքեղ, երբեմն նաև ընդգծված համեստ, բայց, այնուամենայնիվ, շատ զգայական հագուստներ, որոնք նրա զարմանահրաշ արտաքինի և մեծ տաղանդի համադրությամբ նրան արժանացրել են «սիրո աստվածուհու» և իտալացի հանդիսատեսի սիրելիի փառքին», – ասվում է աճուրդի տան մեկնաբանությունում:
Որոշ հանդերձանքներ հատուկ Կարդինալեի համար ստեղծել են այնպիսի հայտնի դիզայներներ, ինչպիսիք են Էմիլիո Շուբերտը, Ռոբերտո Կապուչին, Իռեն Գոլիցինը և ուրիշներ:
