ՉԺՀ նախագահ Սի Ցզինպինը և երկրի վարչապետ Լի Կեցյանը «Գահերի խաղի» երկրպագուներ են, հաղորդում է South China Morning Post-ը:
Պարբերականի թղթակցի խոսքերով, Պեկինում հանդիպումներից մեկի ժամանակ Սի Ցզինպինը զարմացրել է հյուրերին և օգնականներին, ասելով. «Մենք պետք է այնպես անենք, որ աշխարհը, որտեղ մենք ապրում ենք, չհայտնվի Վեսթերոսի յոթ թագավորությունների անկարգ պատերազմներում», նկատի ունենալով «Գահերի խաղի» աշխարհում տիրող իրավիճակը: Բացի այդ, պարբերականի աղբյուրները հաղորդում են, որ Սին և Լին դիտում են սերիալի հատուկ, կրճատ տարբերակը, քանի որ իրենց լարված գրաֆիլի պատճառով չեն կարող դիտել սովորական տարբերակը: «Մենք դա ադամանդե տարբերակ ենք անվանում», – բացատրել է աղբյուրը:
Սի Ցզինպինը հազվադեպ է խոսում իր հոբբիների մասին, սակայն հայտնի է, որ նա հետաքրքրված է փիլիսոփայությամբ, պատմությամբ, գրականությամբ, մշակույթով, երաժշտությամբ և սպորտով, ինչի մասին, ենթադրաբար, նա պատմել է ամերիկյան համալսարանի ուսանողների հետ հանդիպման ժամանակ:
Նրա սիրած ֆիլմերն են «Կնքահայրը» և «Փրկել շարքային Ռայանին»: Նույն հանդիպման ժամանակ, պատասխանելով մի ուսանողի հարցին, թե ինչպես է նա համատեղում աշխատանքը և անձնական կյանքը, Սին պատասխանել է. «Առաքելությունն անիրագործելի է»: