Երևանում տոնական տրամադրություն է. ՀՀ քաղաքացու օրվան նվիրված մի շարք միջոցառումներ տեղի ունեցան, որոնց մասնակցում են ոչ միայն երևանաբնակներ, այլ նաև արտերկրից ժամանած հայրենակիցներ: «Մեզ համար ուրախալի է, որ հայերն արդեն ունեն Քաղաքացու օր»,- «Առաջին լրատվական»-ի հետ զրույցում նշեց ամերիկաբնակ հայուհին՝ հավելելով, որ մեծ փոփոխություններ է տեսնում հայրենիքում:
«Մենք ներդրում ունենք, որ այսօրն իրականություն է դարձել, բոլորս պայքարել ենք այս օրվա համար, և հիմա մեծ բերկրանք եմ ապրում: Այսօրվա խորհուրդը կմնա մեր հոգիներում»,- նշեց երիտասարդ մայրիկը:
Վրացահայ մեր հայրենակիցը նույնպես Երևան է ժամանել նշելու Քաղաքացու տոնը. «Ես հայ եմ, և սա նաև իմ տոնն է, անցած տարի այս օրերին էլ այստեղ էի, և հիմա բարձր տրամադրությամբ նշում եմ Քաղաքացու տոնը»:
«Մարդկության տոնը թող նշեն: Ժողովուրդը վատ վիճակի մեջ է, այս տոնն ո՞ւմ է պետք: Ես պետական գործի հետ կապված պրոբլեմ ունեմ, ոչ ոք չի լուծել, ինձ համար Քաղաքացու տոնն ի՞նչ է: Ոչ մի բան չի փոխվել, ժողովրդին խաբում են»,- դժգոհեց մտահոգ մի երիտասարդ՝ հավելելով. «Եթե գործս չեղավ, 15 օրից լքելու եմ երկիրը»:
Մանրամասն՝ տեսանյութում: