«Բոլորն ուրախ, զվարթ քայլում են, երեխաներն ուրախ խաղում են, մեր՝ բոլորիս, սրտով է: Անցյալ տարի այս օրերին մասնակցում էինք ցույցերին, վարչապետի հետ էլ ենք քայլել: Իմ սպասելիքները կայացել են: Ամենահիշարժան օրն այն օրն էր, երբ հրաժարական տվեց Սերժ Սարգսյանը»,- այսօր՝ Քաղաքացու տոնին Գյումրիում հարցախույզ իրականացնելու ընթացքում «Առաջին լրատվական»- ի հետ զրույցում այս մասին ասաց դպրոցահասակ գյումրեցին: Մեկ այլ դպրոցական նշեց. «Մենք քայլեինք գը, մեր վարչապետի կողքը կանգնած ենք եղել, ու լավ է, որ մեր սպասելիքները քիչ-քիչ կատարվում են, իշխանությունը փոխվել է, ու ամեն ինչ դեպի լավն է գնում»:
«Վերջապես մենք մեր երկրում մեզ ազատ քաղաքացի ենք համարում, հասկանում ենք, որ մեր խոսքը տեղ է հասնում, կարողանում ենք շնչել»,- նշեց գյումրեցի մանակավարժը՝ հավելելով, որ հույսով ու հավատով է լցվել ապագայի նկատմամբ:
Գյումրեցիների մեծ մասը նշում են, որ վստահում են իշխանությանը և ակնկալում, որ քաղաքացիների բարեկեցությունը լավանալու է: Գյումրեցի վաստակաշատ դասախոսի կարծիքով՝ անհրաժեշտ է նաև մշակութային հեղափոխություն իրականացնել:
Գյումրեցիներից ոմանք էլ Քաղաքացու օրը համարում են երևանցիների տոն: «Օր մարդը սոված էղնի, ըսիգ ո՞ւմ է պետք»,- մտահոգություն հայտնեց գյումրեցիներից մեկը:
Մանրամասն՝ տեսանյութում:
Մանրամասն՝ տեսանյութում:
