Ինչպես հայտարարել են կլիմայական փոփոխություներն ուսումնասիրող գիտնականները, Ասիայի զարգացող երկրներում քարածխով գործող էլեկտրակայանները կարող են զգալիորեն նվազեցնել գլոբալ տաքացման ընթացքը՝ շնորհիվ քարածխի այրումից ստացվող արտանետումների: Այս մասին հաղորդում է BBC-ն:
ԱՄՆ գիտությանների ակադեմիայի ամսագրում հրապարակված զեկույցում ասվում է, որ 1998-2008 թթ. ծծմբային գազերի արտանետումների քանակն ավելացել է մոտ մեկ երրորդով: Դրա հետևանքով առաջացող ամպերը, որոնք անդրադարձնում են արևի շողերը, հովացնող էֆեկտ ունեն: Գիտնականների կարծիքով՝ դա նվազեցնում է երկրագնդի՝ ջերմոցային գազերի ավելացմամբ պայմանավորված տաքացման ընթացքը: Նման արտանետումների թիվը վերջին 10-12 տարիներին նույնպես աճել է ավելի քան 30%-ով:
Այս փաստը որքան էլ տխուր կամ զավեշտալի հնչի, այնումենայնիվ, գիտնականները նշում են, որ եթե Չինաստանը կրճատի մթնոլորտն աղտոտող նյութերի արտանետումները, Երկիր մոլորակի կլիման կսկսի ավելի արագ տաքանալ: