Փորձագետները կարծում են, որ ներքաղաքական իրավիճակը Լիբիայում մտնում է խաղաղ կարգավորման փուլ, իսկ Մուամար Քադաֆին կարող է համաձայնել իր պաշտոնը լքելուն: Այս մասին հաղորդում է Reuters գործակալությունը: Ամերիկյան նախկին դիվանագետ Դևիդ Մեքն ասել է, որ Քադաֆին կարող է համաձայնել ապստամբների առաջարկների հետ և լքել պաշտոնը:
«Նա քաղաքական բռնակալ է, շատ կոշտ բնավորություն ունի, սակայն միաժամանակ նա հայր է և պապ: Ինձ թվում է, որ նրա երեխաներին և թոռներին կհաջողվի համոզել Քադաֆիին հրաժարական ներկայացնել»,- ասել է Մեքը: Դիվանագետի խոսքերով՝ Քադաֆին հասկանում է, որ իր երկրում ճգնաժամ է սկսվել, և դրա լուծման լավագույն միջոցը հրաժարական տալն է: Ընդ որում՝ Մեքը կարելի է համարել, որ Քադաֆին իրոք կարող է գործարքի գնալ ապստամբների հետ:
«Նա շատ լավ հիշում էր իր բոլոր հանդիպումները և մարդկանց հետ ընդհանուր լեզու գտնելու հրաշալի ունակությունը ունի»,- ասել է Մեքը: Երեկ Լիբիայի ապստամբները հայտարարել են, որ պատրաստ են թույլատրել Քադաֆիին հրաժականից հետո միջազգային վերահսկողության ներքո մնալ Լիբիայում:
Քադաֆիի հեռանալու մասին գրել է նաև ռուսական Коммерсант-ը՝ տեղեկացնելով, որ անվտանգության երաշխիքները Քադաֆիի հեռանալու դեպքում պատրաստվում է տալ Ֆրանսիան և նրա նախագահ Նիկոլա Սարկոզին, որը խոստացել է հեռու պահել Լիբիայի առաջնորդին Հաագայի դատարանից, ինչպես նաև վերադարձնել սառեցված ակտիվների և հաշվեհամարների մի մասը: