Վարչապետի գլխավորությամբ տեղի է ունեցել «Առանց մեղադրական եզրակացությունների գույքի բռնագանձման» թեմայով խորհրդակցություն։ Պարբերաբար նշվում է, որ սա միջազգային կոնվեկցիաների պահանջն է, որը Հայաստանը վավերացրել է դեռևս 2007 թվականին, և հիմա ընդամենը այդ ինստիտուտի կիրարկման փուլին ենք մոտեցել։ Սակայն այս ինստիտուտի ընդդիմախոսները նշում են, որ մենք լուրջ խնդիրների առաջ ենք կանգնելու, քանի որ, ըստ նրանց, սա ունի քաղաքական ենթատեքստ և չի ադապտացվելու մեր օրենսդրական դաշտի հետ։ Ինչպե՞ս կմեկնաբանեիք «Առաջին լրատվական»-ի հարցին քաղաքագետ Մանվել Սարգսյանը պատասխանեց․ «Իզուր չի, որ այդպիսի կարծիքներ են, որովհետև գոյություն ունի սոցիալական պահանջ։ Իհարկե, ինչ-որ կոնվենցիաներ գոյություն ունեն, բայց նրանք շատ կոնկրետ են։ Ինչքանով են դրանք առնչվում Հայաստանի պրոբլեմի հետ, իհարկե, շատ վիճելի հարց է։ Բայց այստեղ էականն այն է, որ հեղափոխության պրոցեսի ընթացքում այս հարցը բազմաթիվ անգամ արծարծվել է, և առաջին իսկ օրից առաջ էին քաշվել մեխանիզմներ, որոնք կարող էին պարզություն մտցնել այս խնդրում և հստակ նպատակ ձևակերպել․ ինչ է նշանակում բռնագանձել կամ վերադարձնել գումարներ։ Սա մի քիչ ավելի լայն է»։
Քաղաքագետը նաև հավելեց․ «Տարբեր երկրներ հետհեղափոխական շրջանում ցանկացել են այս հարցերը լուծել, որպեսզի համերաշխություն մտցնեն հասարակության մեջ՝ եթե նման պահանջ կա։ Հանրությունը չի ճանաչում այդ սեփականության օրինականությունը։ Հիմա գերխնդիրը դա է»։
Մանրամասները՝ տեսանյութում։