Չինաստանի հնէաբանները Գուանդուն նահանգի Ցինտանա քաղաքի ավերակների պեղումների ընթացքում հայտնաբերել են ամենահին գերեզմանը, որի մեջ մնացել է գլխատված աղջկա աճյունի մնացոդները:
Բացահայտումը լուսաբանում է Ցինխուա գործակալությունը։ Գիտնականները պարզել են, որ աղջկա կյանքի թելը կտրվել է 13-18 տարեկան հասակում: Մահվան պատճառը հայտնի չէ:
Հնէաբաններին զարմացրել է թաղման բնույթը, որը մոտ 13500 տարեկան է: Աղջիկը գլխատված էր: Դեռ պարզ չէ, աղջկան գլխատել են կենդանության օրո՞ք, թե՞ դա թաղման ծեսի մաս է եղել։ Բացի այդ, աղջկան ծնկի եկած են թաղել։
«Հավանաբար սա մատնանշում է այն ժամանակը, երբ ծագել է կյանքի և մահվան մասին գիտակցումը, ինչը հանգեցրել է պարզունակ կրոնական համոզմունքներին,- ասում է մշակութային ժառանգության և հնագիտության ինստիտուտի ավագ գիտաշխատող Գուանդոն Լու Սուոկիանին:– Բացի դրանից, գերեզմանում հայտնաբերվել են որոշ առարկաներ: Ենթադրաբար այդ ժամանակ արդեն որոշակի ծեսեր են կատարվել»:
