Ֆրանսիական ընկերությունների աշխատակիցները դժգոհում են, որ իրենց գրասենյակներում անընդհատ լսում են նույն արտահայտությունները: Չնայած կլիշեներից մի քանիսը լավ ավանդույթ է համարվում, մյուսներն արդեն այնքան նյարդայնացնող են դարձել, որ գրասենյակի աշխատակիցները խոստովանում են՝ շատ բաների են պատրաստ, միայն այլևս դրանք չլսեն։
Qapa-ի անցկացրած հարցման համաձայն, ֆրանսիացի «ճերմակ օձիքների» շրջանում ամենատարածված արտահայտությունը «Հաջողությունն» է: Գործընկերների շրջանում տղամարդկանց 85%-ը և կանանց 79%-ն օգտագործում է այդ բառը: Երկրորդ տեղում լավ հանգստանալու ցանկությունն է: Այն պարբերաբար օգտագործում են ֆրանսիացի կանանց 81% և տղամարդկանց 67%-ը: Երրորդ ամենատարածվածը «Երկուշաբթին ծանր օր է» («Comme un lundi …») արտահայտությունն է, որը բնորոշ է տղամարդկանց 59% կանանց 45%-ին:
Հարցման մասնակիցների համար ամնաանտանելին «շտապ է» արտահայտությունն է: Տղամարդկանց 19% -ը և կանանց 16%-ը ուրախությամբ և ընդմիշտ կհրաժարվեին դրանից: «Ավրալ է», «Գործերի մեջ խեղդված եմ» խոսքերը ֆրանսիացիներին ավելի քիչ է զայրացնում՝ տղամարդկանց 15% և կանանց 11%-ի համար է այն ամենից ատելին։ Հակավարկանիշի վերին հորիզոնականներում են «Հիմա ամեն ինչ կանեմ», «Քեզնից հույս չկա», «Ես հետո կխոսեմ քեզ հետ», «Դառնալ լիդեր» և այլ արտահայտությունները:
