«Ես ենթադրում եմ, որ սա ինքն է գրել, որ սա ֆեյք չէ, բայց բառապաշարը համահունչ է Ռոբերտ Քոչարյանի մտածելակերպին։ Ինքը իրոք ժամանակին մարդկանց ազատազրկում էր։ Զարմանում եմ, թե ինչու իրեն առաջադրված մեղադրանքների մեջ չկա նաև այդ հոդվածը, երբ ինքը, չարաշահելով իր դիրքերը, հանձնարարականներ էր տալիս։ Ստացվում է՝ Ռոբերտ Քոչարյանը իրոք մտածում է, որ իրեն գործադիր իշխանությունն է ազատազրկել, բայց դա այդպես չէ։ Ես համոզված եմ, որ Հայաստանում այլևս գործադիրը մարդու քրեական պատասխանատվության հարցերում չ միջամտելու, դա մնացել է անցյալում»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը՝ անդրադառնալով Ռոբերտ Քոչարյանի հոդվածքին, որտեղ վերջինս նշում է, թե երկրի վարչապետն իրեն զրպարտում է․ ԵԽ-ին, ԵՄ-ին կոչ է անում կանգնել կողքին։
Ռոբերտ Քոչարյանը, նրա խոսքով, չհասկացավ Հայաստանում տեղի ունեցած փոփոխությունը, չհասկացավ աշխարհայացքի և մեր մոդելի փոփոխությունը։
«Բոլորս շահագրգռված ենք, որ իմանանք՝ այն ժամանակ ինչ է եղել, ինչպես եղավ, որ բանակը օգտագործվեց ժողովրդի դեմ, ինչի հետևանքով մարդիկ են զոհվել, ինչու են հազարավոր մարդիկ հետապնվել, հարյուրավոր մարդիկ հիվանդանոցներում և հետագայում բանտում են հայտնվել, ընդ որում՝ գործադիրի հետևանքով, և լավ կլինի Քոչարյանը սրան անդրադառնա»,-հավելեց Հովհաննես Իգիթյանը։