Ֆրանսիական մեծ հեղափոխությունը բազաթիվ հանճարեղ ասույթներ է մեզ թողել՝ հեղափոխությունը Սատուրն աստծու պես է, այն խժռում է իր զավակներին, բայց ես չեմ կարծում մեր իրավիճակը ասույթի մատնանշած տրամաբանությանը: Այդ ասույթը շատ դաժան իրականության մասին է և չէի ուզենա, որ այդ տրամաբնությունը գործի մեր միջավայրում : Այս մասին «Առաջին լրատվական»-ի հետ զրույցում նշեց վերլուծաբան Կարպիս Փաշոյանը՝ անդրադառնալով ՊՎԾ պետ Դավիթ Սանասարյանի մեղադրանքին:
«Գործ ունենք հետհեղափոխական դրսևորումների հետ: Մենք որոևէ հիմք չունենք չհավատալ իրավապահ մարմիններին, բայց նաև հիմք չունենք չհավատալու Դավիթ Սանասարյանին: Հետաքննությունը պետք է պարզի՝ ինչն ինչոց է: Եթե պարզվի սա բանսարկության արդյունք է՝ կպատժվեն բանսարկուները: Վստահ եմ՝ գործը ըստ պատշաճի զարգացում է ապրելու: Սանասարյանը իմ ընկերն է և անկախ ինչպես կավարտվի գործը նա կմնա իմ ընկերը: կառավարության բարձր էշելոններից շատերը սկսել են հրաժարվել նրանից»,-նշեց Փաշոյանը:
Քաղաքագետ Սարո Սարոյանի խոսքով՝ անշուշտ վարչապետը տեղյակ է այս ամենից․ «Համոզվում եմ, որ Նիկոլ Փաշինյանի համար նման կարգի խնդիրներում դրված է մի սկզբունք բնական կարգավորման սկզբունքը:Ըստ էության ԱԱԾ-ն ինչ-որ հիմքեր ունեցել է: Հիմա չենք կարող ենթադրությունների դաշտ մտնել և այլ գնահատականներ տալ: Այսօր վստահ ենք, որ ի տարբերություն նախկինի, ճանապարհները սահմանափակված չեն, ծածկադմփոց չի իրականացվի, պարզ կլինի»: