HBO հեռուստաալիքը, որը հեռարձակում է «Գահերի խաղեր» հեռուստասերիալը, ԱՄՆ նախագահ Դոնալդ Թրամփին կոչ է արել իր մտավոր սեփականությունը չօգտագործել քաղաքական նպատակներով։ Այս մասին հայտնել է հետուստաալիքի պաշտոնական ներկայացուցիչը, փոխանցում է Bloomberg-ը։
Աղբյուրն ընդգծել է, որ հասկանում է ԱՄՆ առաջնորդի՝ սերիալի կերպարները հրապարակելու ցանկությունը՝ վերջին եթերաշրջանի հանրաճանաչության պատճառով, սակայն պնդում է, որ բացակայում են իրավական հիմքերը՝ «Գահերի խաղեր»-ի ապրանքանիշն օգտագործելու համար։
Գործակալությունը գրում է, որ Թրամփի փաստաբանները բազմիցս մտահոգություն են հայտնել, որ սերիալների երաժշտության կամ կերպարների ոչ իրավաչափ գործածումը նրան սպառնում է հետապնդմամբ՝ հեղինակային իրավունքների խախտման հետ կապված։
