Der Standard ավստրիական պարբերականի լրագրող Գյունտեր Բրանդշտետերը հերքել է պնդումները, որ առողջ սննդակարգը ազդում է կյանքի տևողության վրա, փրկում է սրտի կաթվածից և քաղցկեղից: Հոդվածը «Նախաձեռնություն հանուն կանանց առողջության» գիտական հետազոտության մասին է, որում ութ տարիների ընթացքում գիտնականները հետևել են տարբեր սննդակարգ ունեցող կանանց երկու խմբերի:
Այսպիսով, հսկողության առաջին խումբը կերել է բանջարեղեն, մրգեր, ինչպես նաև ճարպերի ցածր և բջջանյութի բարձր պարունակությամբ սնունդ, իսկ երկրորդ խումբը չի դավաճանել սննդի հարցում իր նախասիրություններին:
«Արդյունքը զրոյական էր. խմբերը վերջնարդյունքում չեն տարբերվել որևէ չափանիշով»,- նշել է լրագրողը:
Այնուամենայնիվ, նա նշել է, որ չի կարելի անփութորեն վերաբերվել սննդին: Նրա խոսքերով, շաքարավազի չափից շատ օգտագործումը հանգեցնում է դիաբետի զարգացմանը, տրանս ճարպերը մեծացնում են սրտանոթային հիվանդությունների զարգացման ռիսկը և երշիկեղենի օգտագործման պատճառով աննշան մեծանում է աղիների քաղցկեղի առաջացման հավանականությունը: