Սիրիայի Ռաքա քաղաքում «Իրաքի և Լևանտի իսլամական պետություն» խմբավորման ծայրահեղականները տեղի քրիստոնյաներին ստիպում են վճարել միջնադարյան գլխահարկ՝ ջիզյու: Դրան է ենթարկվում բնակչության արական սեռը: Այս մասին գրում է «Էլ-Հայաթ» թերթը:
Համաձայն կրոնական մոլեռանդների սահմանած կարգերի՝ այլ հավատների հարուստ ներկայացացուցիչները, ովքեր հրաժարվում են իսլամ ընդունել, պետք է 4 դինար վճարեն, ինչը հավասար է 17 գրամ ոսկու, քիչ հարուստները՝ երկու անգամ քիչ, իսկ ընչազուրկները՝ մեկ դինար:
Բացի այդ, արգելվել է վերակառուցել ավերված վանքերն ու եկեղեցիները կամ նորերը կառուցել: Գմբեթների վրա չի թույլատրվում խաչ տեղադրել, կտրականապես արգելվում է զանգեր հնչեցնել, տաճարից դուրս խաչակնքվել:
Այս պայմանների կատարման դեպքում ծայրահեղականների ղեկավարներն իրենց հովանավորության ներքո կվերցնեն տեղի քրիստոնյաներին և, ինչպես խալիֆների ժամանակաշրջանում, նրանց կհայտարարեն խնամակալության տակ գտնվող բնակչություն՝ «ահլ զիմա»:
