Լուրեր
Թող չգրեր դիմումը, ես ինչ անեմ. Նիկոլ Փաշինյանը՝ մաքսային աշխատակցի մասին
  • 17:54
  • 2019-04-15
  • Դիտումներ՝ *

ՀՀ վարչապետ Նիկոլ Փաշինյանն ապրիլի 15-ին լրագրողների հետ զրույցում անդրադարձավ դրոշի նկատմամբ ոչ հարիր վերաբերմունքի պատճառով աշխատանքից ազատված ՊԵԿ աշխատակցին: Լրագրողները վարչապետին հայտնեցին՝ ՊԵԿ աշխատակցի հարցով իրեն բաց նամակով էր դիմել պատգամավոր Գևորգ Պետրոսյանը:

«Ես կարծում եմ՝ եթե այդպես գնա, հաջորդ բաց նամակը կլինի այն մասին, որ Սերժ Սարգսյանի աշխատանքային իրավունքները խախտել ենք, որովհետև Սահմանադրության համաձայն՝ վարչապետ ընտրվելուց մի տարի հետո վարչապետը պաշտոնանկության ենթակա չէ, ինչի՞ մասին է խոսքը: Ընդհանրապես՝ այդ միջադեպի հետ կապված՝ կարո՞ղ եք բացատրել՝ ինձ ինչո՞ւմ են մեղադրում, ինչի՞ համար: Ասում են՝ ա´յ, Նիկոլը մեծամտացել ա, մաքսայինին ասում ա, որ վարչապետը մոտենում ա, այդպես չեն դիմավորում: Խոսքը քաղաքացու մասին չէ, ուրիշ բանի մասին է: Եթե վարչապետի մոտենալն է այդպիսի արձագանք առաջացնում կամ չի առաջացնում, բա շարքային քաղաքացու մոտենալը որևէ արձագանք կառաջացնի՞, ի՞նչ եք կարծում: Բա էդ մաքսային մարմիններից, որ էդքան բողոքում են, հարյուրավոր նամակներ ենք ստանում, ինչի՞ մասին է խոսքը»,- ասաց նա:

  • Դիտումներ՝ *