ԱՄՆ Նյու Մեքսիկո նահանգում միջուկային թափոնների պահեստի 13 աշխատակիցներ արտահոսքի հետևանքով ճառագայթահարվել են: Արտահոսքը տեղի է ունեցել փետրվարի 15-ի գիշերը: Այս մասին հաղորդում է Associates Press-ը՝ վկայակոչելով ԱՄՆ էներգետիկայի նախարարությանը:
Նախարարության տվյալներով՝ նախնական թեստերը ճառագայթային մեծ չափաբաժին են հայտնաբերել միջուկային թափոնների Waste Isolation Pilot Plant (WIPP) պահեստի 13 աշխատակիցների մոտ: Թե դրանք որքանով են գերազանցում նորման, գերատեսչությունը չի հստակեցրել: Մասնագետները մտադիր են մի շարք թեստեր անցկացնել:
Նշենք, որ WIPP-ի շրջանում օդում ճառագայթման բարձր մակարդակ է գրանցվել փետրվարի 15-ի գիշերը: Կայանի ներկայացուցիչները հայտնել են, որ մարդկանց առողջությունը և շրջակայքը վտանգված չէ:
