Ըստ Bankrate ծառայության վերջերս կատարած ուսումնասիրության, ամերիկացիներն ավելի ու ավելի շատ են սկսել ծանր ֆինանսական բեռ համարել ոչ միայն սեփական, այլև ուրիշի հարսանիքը: Պարզվեց՝ յուրաքանչյուր հինգերորդը, գոնե մեկ անգամ, գումարի պատճառով հրաժարվել է տոնակատարությանը մասնակցել: Հարթակի հաշվարկներով՝ մեկ հարսանիքը հյուրին միջին հաշվով արժենում է 628 դոլար։ Նրանք, ովքեր պատրաստվում են հարսանիքին մասնակցելու համար գնալ այլ քաղաք, ծախսերը, համապատասխանաբար, աճում են։ Նրանք միջինում ծախսում են 901 դոլար: Միևնույն ժամանակ, ըստ Bankrate-ի մեկ այլ ուսումնասիրության, ամերիկացիների մեծամասնությունը նույնիսկ 1000 դոլար խնայողություն չունի:
Ինչ վերաբերում է հարսանիքի ծախսի առավելագույն արժեքին, ապա ամերիկացիների 27 տոկոսը խոստովանեց, որ նույնիսկ 250 դոլարից ցածր գումարն իրենց համար չափազանց շատ է: 12%-ի համար առավելագույնը 250-499 դոլարն է, իսկ հարցվողների ամենամեծ խումբը (28%) այն սահմանել է 500-999 դոլար:
Սակայն այցելուների ծախսերն անհամեմատելի է կազմակերպիչների ծախսերին: The Knot-ի ուսումնասիրության համաձայն՝ 2018-ին ԱՄՆ-ում հարսանիքի միջին արժեքը կազմել է 33.9 հազար դոլար։