Իսրայելի վարչապետ Բենիամին Նեթանյահուի «Լիկուդ» կուսակցությունն ապրիլի 9-ին կայացած խորհրդարանական ընտրություններում բոլոր ձայների հաշվումից հետո 36 տեղ Է ստանում 120 տեղանոց Կնեսետում: Այդ մասին հայտնել Է Իսրայելի Kan պետական ռադիոն: «Լիկուդ»-ի գլխավոր մրցակիցը՝ գլխավոր շտաբի նախկին պետ Բենի Գանցիի «Կահոլ-Լավան» կենտրոնամետ դաշինքն ստանում Է 35 մանդատ:
ՇԱՍ եւ «Յահադուտա խա-Տորա» կրոնական կուսակցությունները խորհրդարանում ստանում են ութ եւ յոթ տեղ, «Ավոդա» ձախ կուսակցությունը՝ վեց տեղ, պաշտպանության նախկին նախարար Ավիգդոր Լիբերմանի «Մեր տունը Իսրայելն Է» կազմակերպությունն ստանում Է հինգ տեղ, նույնքան Էլ բաժին Է հասնում «Աջ կուսակցությունների միություն» դաշինքին: Ռադիոն նշում Է, որ ապագա աջ կառավարությունն ստանում Է 65 մանդատ: Հրեական պետության Կենտրոնական ընտրական հանձնաժողովն ապրիլի 12-ին հայտնել Է, որ ընտրություններին մասնակցությունը կազմել Է 68,38 տոկոս, քվեարկել Է ավելի քան 4,3 մլն իսրայելացի՝ ձայնի իրավունք ունեցող ավելի քան 6 մլն ընտրողներից: Իսրայելի նախագահ Ռեուվեն Ռիվլինը հաջորդ շաբաթ ձայների հաշվարկի վերջնական արդյունքներն ստանալուց հետո կոնսուլտացիաներ կսկսի Կնեսետ անցած կուսակցությունների ներկայացուցիչների հետ, որոնց արդյունքներով պատգամավորներից մեկին կհանձնարարի կազմել նոր կառավարությունը: Որպես կանոն, նախագահը վարչապետի թեկնածու Է ընտրում առավել մեծ թվով պատգամավորական մանդատներ ստացած կուսակցության առաջնորդին:
