Բրիտանական BBC, ITN և Sky News հեռուստաալիքները պատրաստվել էին WikiLeaks-ի հիմնադիր Ջուլիան Ասանժի ձերբակալությանը, սակայն համարել են, որ նա այդքան շուտ չի լքի Էկվադորի դեսպանատունը Լոնդոնում՝ գրում է The Guardian-ի թղթակից Ջիմ Ուոթերսոնը՝ վկայակոչելով աղբյուրները:
Ավելի վաղ այդ հեռուստաալիքները, ըստ աղբյուրների, պայմանավորվել էին միմյանց փոխարինելով հերթապահել դեսպանատան մուտքի մոտ։ Այժմ նրանք ստիպված են ապավինել ռուսական RT հեռուստաալիքի աջակցությունը վայելող Ruptly գործակալության հեռարձակած դրվագներին, և դա մեծ խայտառակություն է՝ գրում է հեղինակը:
Ապրիլի 5-ից սկսած՝ նրանք շուրջօրյա հերթապահություն են իրականացրել Էկվադորի դեսպանատան մոտ, որտեղ 2012թ․-ից ի վեր գտնվում է Ասանժը։
Թղթակիցը նշում է, որ Ասանժին երկար ժամանակ աջակցող RT հեռուստաընկերությունը, հնարավոր է, նախապես տեղյակ է եղել պատրաստվող ձերբակալության ժամկետի մասին։
https://www.youtube.com/watch?v=8oqJiNzJQ_E
