Լրագրողները զրուցել են ՀՀ տնտեսական զարգացման և ներդրումների նախարար Տիգրան Խաչատրյանի հետ: Նա խոսել է կառավարության հետ քննարկվող 89 ներդրումային ծրագրերի մասին:
«Վարչապետի հանձնարարությամբ բոլոր այն ծրագրերը, որոնց վերաբերյալ ծրագրի հեղինակներն իրենց նախաձեռնությամբ դիմում են կառավարությանը` այս կամ այն կերպ աջակցություն խնդրելու դիմումով, դրանք հաշվառում ենք, ներառում մեկ ամբողջական ցուցակի մեջ, պարբերաբար զեկուցում ենք վարչապետի աշխատակազմ, որպեսզի հնարավոր լինի նաև հետագայում հետևել յուրաքանչյուր ծրագրի ընթացքով տեղի ունեցող զարգացումներին, խոսել այն խնդիրների մասին, որոնք առկա են և պահանջում են լուծումներ: Տարբեր բնագավառներում են՝ էներգետիկա, արդյունաբերություն, զբոսաշրջություն, քաղաքաշինություն, գյուղատնտեսություն»,-ասաց նախարարը:
