Այսօր զրուցեցինք ՀՅԴ-ից ԱԺ պատգամավոր Արտյուշա Շահբազյանի հետ՝ հասկանալու համար, թե առաջիկա ընտրություններում ՀՅԴ-ի համար ՀԱԿ-ն է՞ մրցակից լինելու, թե՞ իշխանությունը, քանի որ, դատելով այսօրվա ելույթներից, տպավորություն է ստեղծվում, որ ՀՅԴ-ն և «Ժառանգությունը» իրենց համար թիրախ են դարձրել ոչ թե իշխանությանը, այլ ՀԱԿ-ին:
«Նախ՝ նրանք հակառակորդներ չեն, մրցակիցներ են: Եվ հետո՝ ի՞նչ տարբերություն, երկուսն էլ մրցակիցներ են: Մենք խնդիր չունենք այդ առումով։ Շատ ձայն հավաքել՝ դա է մեր խնդիրը լինելու, ոչ թե սրա-նրա հետ մրցակցելը կամ հակառակորդ լինելը: Մենք ի՞նչ է թիրախ ենք վերցնում, ով՝ ինչ: Մենք խնդիր ունենք մեր ծրագրերը ներկայացնելու և ձայն հավաքելու: Դա է լինելու մեր ընտրապայքարը: Ոչ թե սրա-նրա դեմ պայքարելը: Դա մեր ոճը չէ»: