Համաշխարհային տնտեսությունը գտնվում է «համաժամանակյա դանդաղեցման» վիճակում: Այս մասին ասվում է The Financial Times թերթի և Brookings վերլուծական կենտրոնի ուսումնասիրության մեջ:
Խոսքը ոչ թե տնտեսական անկման մասին է, այլ գլոբալ տնտեսական աճի տեմպի նվազման, և այդ գործընթացը դժվար է կասեցնել: Բացասական ցուցանիշների վրա ազդող հիմնական գործոններն են աշխարհաքաղաքական անորոշությունը և առևտրային պատերազմները:
Զարգացած տնտեսություններ ունեցող երկրներում պահպանվում է պետական պարտքի բարձր մակարդակ, ինչը թույլ չի տալիս կիրառել հարկային և բյուջետային մեթոդներ տնտեսական աճի խթանման համար:
ԱՄՆ-ում զբաղվածության և մանրածախ աճի տեմպերը նվազում են, բիզնեսի և սպառողների վստահությունը՝ նույնպես: Եվրոպայում տնտեսական աճը նվազում է եվրագոտու հիմնական շարժիչ ուժի`Գերմանիայի տնտեսության աճի նվազման գործընթացից հետո: Գերմանիայի տնտեսության աճի վրա ազդող հիմնական գործոններն են `Բրեքսետը, ինչպես նաև ԱՄՆ-ի և Չինաստանի առևտրային պատերազմները: