Չինաստանի Սիչուան նահանգի բնակիչը 54 տարվա ընթացքում չի կտրել մազերը և երկարացրել է 5.5 մետր, հաղորդում է Oddity Central-ը:
77-ամյա Ակե Իչժենի խոսքերով, նա 23 տարեկանից ի վեր, ավելի քան կես դար մազերը չի կտրել: Նա գտնում էր, որ երկար մազերը օգտակար են առողջության համար:
Անցյալ դարի 70-ականներին տղամարդուն առաջարկել են երեք հազար յուանի դիմաց կտրել մազերը, սակայն նա հրաժարվել է:
Չինացին խոստովանել է, որ երկար մազերը շատ անհարմարություններ են առաջացնում, բայց նա արդեն սովորել է դրանց: Նրա հարսը պատմել է, որ Ակեն ամիսը երկու անգամից ոչ պակաս այցելում է վարսահարդարման սրահ, որտեղ նրա մազերը լվանում են և սանրվածք անում: Դրա համար մասնագետներից շուրջ երեք ժամ է պահանջվում:
Տարեց չինացու վարսերի խնամքի մասին տեսահոլովակը սոցցանցերում իրարանցում է առաջացրել և միլիոնավոր դիտումներ հավաքել: Շատերը չինացուն խորհուրդ են տվել գրանցվել Գինեսի ռեկորդների գրքում:
https://www.youtube.com/watch?v=u8Ro6e-ccu4
