Մոդել Այրլենդ Բոլդուինը՝ կինոաստղեր Քիմ Բասինջերի և Ալեք Բոլդուինի դուստրը, ընկերների հետ զվարճանում էր Արևմտյան Հոլիվուդում: 23-ամյա շիկահերը, որ հայտնվել էր պապարացիների տեսախցիկների առջև, զարմացնում է կոշիկի ընտրությամբ: Daily Mail-ի փոխանցմամբ, մեկ ոտքին նա կրունկով կոշիկ էր կրում, իսկ մյուսին՝ հողաթափ: Երկուսն էլ սև էին, լավ է, աղջիկը գոնե գույները չի շփոթել:
Սոցիալական ցանցերի օգտվողները որոշել են, որ Այրլենդը (որը Ջասթին Բիբերի կնոջ՝ Հալի Բոլդուինի զարմուհին է) շատ է խմել և խառնել կոշիկները:
Մյուսները ենթադրեցին, որ սա նորաձևության նոր միտում է: Հնարավոր է նաև, որ աղջիկները պարզապես կատակում են: Այրլենդի ընկերներից մեկն էլ հայտնվեց նույն կերպ`մեկ կոշիկով և մեկ հողաթափով:
