Համացանցում հայտնվել է «Քարդաշյանների ընտանիք» ռեալիթի-շոուի նոր եթերաշրջանի թրեյլերը։ Ըստ անանոսի՝ նոր եթերաշրջանի աստղը կլինի Քլոե Քարդաշյանը, ով անձնական դրամա է վերապրում ընկերոջ՝ Տրիստան Թոմփսոնի դավաճանության պատճառով։
Տեսանյութում պատկերված է՝ ինչպես է Քլոե Քարդաշյանն արձագանքում 28-ամյա բասկետբոլիստի դավաճանությանը։ Նա լաց է լինում, բղավում, Տրիստանին խաբեբա անվանում և խոսում այն մասին՝ որքան դժվար է իր համար ապրել տեսախցիկների նշանառության տակ։
Հիշեցնենք՝ մարզիկը ռեալիթի-շոուի աստղին դավաճանել է Ջորդին Վուդսի՝ նրա քրոջ լավագույն ընկերուհու հետ։ Այդ իրադարձությունը լուրջ հարված է եղել Քլոեի համար։ Նա բաժանվել է սիրելիից և այժմ դաստիարակում է իրենց 1-ամյա դստերը՝ Թրուին։
«Հանրային մարդ լինելը երբեմն իսկապես սարսափելի է։ Դա պարզապես հեռուստաշոու չէ։ Դա իմ կյանքն է։ Թրիստանը կարող է սիրել ինձ, սակայն նա ինձ առհասարակ չի հարգում։ Հույս ունեմ, որ թունելի վերջում ի վերջո լույս կլինի, սակայն հիմա ես ոչինչ չեմ տեսնում»,- արցունքներն աչքերին՝ խոստովանել է Քարդաշյանը։
