ԱԺ փոխխոսնակ Ալեն Սիմոնյանի վստահեցմամբ՝ արտահերթ նիստի աշխատանքների ձախողումը «զուտ տեխնիկական հարց է, և այդտեղ որևէ ինտրիգ պետք չէ փնտրել»։
Այս մասին խորհրդարանում լրագրողների հետ զրույցում ասաց Սիմոնյանը։
Սիմոնյանն ասաց, որ «Իմ քայլը» խմբակցության պատգամավորների մի մասը մեկնել է Արցախ, և դա է պատճառը, որ քվորում ապահովելու համար անհրաժեշտ պատգամավորների քանակ չկա:
«Վստահ չեմ, որ բոլորն են մեկնել, բայց օրենքը պահանջում է՝ սպասենք։ Կրկնում եմ՝ սա հատուկ քաղաքական ակցիա չէ, ուղղակի տեխնիկական է, համենայն դեպս լավ չէ, որ պատգամավորները ճիշտ չեն հաշվարկել, գուցե պետք էր, որ քվեարկությունից հետո գնան»,- ասաց նա:
