Այսօր՝ մարտի 28-ին, Ազգային ժողովը շարունակում է աշխատանքները և կառավարությամբ նախաձեռնել է արտահերթ նիստ, որի օրակարգում ԱԺ կանոնակարգ սահմանադրական օրենքում և Սահմանադրական դատարանի մասին սահմանադրական օրենքում փոփոխություններ կատարելու հարցն է:
Ինչպես հայտարարեց արդարադատության նախարար Արտակ Զեյնալյանը՝ հստակեցվում է ՍԴ դատավորի պաշտոնը ստանձնելու պահը:
«Տեսականորեն կարո՞ղ է այնպիսի իրավիճակ ստեղծվել, երբ իրավասու մարմինը ՍԴ դատավորի թեկնածու մի քանի անգամ ներկայացնի նույն մարդուն՝ անգամ իր թեկնածությունը չհաստատվելուց հետո: Այսինքն՝ որ իրավական ճգնաժամ լինի»,- նախարարին հարցրեց «Լուսավոր Հայաստան» խմբակցության պատգամավոր Կարեն Սիմոնյանը:
Ի պատասխան՝ նախարարն ասաց, որ չկա սահմանադրական արգելք, որ նույն անձին նույն սուբյեկտը կամ այլ սուբյեկտ չի կարող ներկայացնել նույն ԱԺ-ին կամ այլ ԱԺ-ին. «Նույն սուբյեկտը կարող է ներկայացնել նույն անձին տարբեր գումարումների ԱԺ-ներ. սահմանադրական արգելքը բացակայում է»:
Նախարարի խոսքով՝ սահմանադրական արգելքը մեկն է՝ մեկ անգամ ՍԴ դատավոր եղած անձը այլևս չի կարող նորից ընտրվել, հետևաբար և առաջադրվել:
Մանրամասները՝ տեսանյութում:
