Այսօր՝ մարտի 28-ին, Ազգային ժողովը շարունակում է աշխատանքները: Այժմ քննարկվում է Տեղեկատվական տեխնոլոգիաների ոլորտի պետական աջակցության մասին օրենքում և Հարկային օրենսգրքում փոփոխություններ կատարելու մասին հարցը:
«Լուսավոր Հայաստան» խմբակցության պատգամավոր Արկադի Խաչատրյանը օրինագիծը ներկայացնող կապի և տրանսպորտի նախարար Հակոբ Արշակյանին հիշեցրեց, որ ՏՏ ոլորտում գործող միությունները վերապահումներ ունեն նախագծի հետ կապված: «Նրանց ամենամեծ մտավախությունը կապված է օտարերկրյա այն ՏՏ ընկերություններին հարկային արտոնություն տալու հետ, որոնք ունեն ավելի քան 5 տարվա գործելու փորձ իրենց երկրներում. այսպիսի արտոնություն չունեն տեղական ընկերությունները, ինչը առաջացնում է անհավասար մրցակցային պայմաններ»,- նշեց Արկադի Խաչատրյանը:
Նրա խոսքով՝ հաջորդ մտավախությունն այն է, որ սկսնակ ընկերությունները ևս չեն կարող մրցունակ գտնվել այդ ավելի կայացած ու հզոր ընկերությունների հետ. «Այս օրենքով չէ, որ մենք պետք է ինստիտուցիոնալ ներդրողների ճանապարհը հարթենք դեպի մեր շուկա»:
«Չե՞ք կարծում արդյոք, որ օտարերկրյա ընկերությունների համար սահմանվող դրույթը խոչընդոտում է հավասար մրցակցությանը»,- հարցրեց նա:
Մանրամասները՝ տեսանյութում:
