Հուլիսի վերջին ԱՄՆ-ում աճուրդի կհանվի 1939 թ. թողարկված Pontiac Deluxe «ուրվական» մեքենան: Չնայած այն փաստին, որ այս մեքենան գրեթե հնարավոր չէ շահագործել, սակայն RM Auctions աճուրդների տան ներկայացուցիչները մտադիր են այն բավականին բարձր գնով վաճառել: Նախնական հաշվարկներով, այն գնահատվել է 275-475 հազար դոլար: Կիսաթափանցիկ թափքով Pontiac Deluxe մեքենաներն ընդամենը երկուսն են աշխարհում, որոնք թողարկվել են հատուկ 1939-40 թթ. Նյու Յորքում կայացած համաշխարհային ցուցահանդեսի ժամանակ: Մեքենայի հեղինակներն առաջինն էին, որոնք նման մեքենա արտադրեցին: Մեքենայի ողջ ներքին կառուցվածքը գտնվում է մարդու աչքի առաջ, այդ պատճառով այն «ուրվական» անվանվեց:
