Բրեդ Փիթի մասնակցությամբ ֆիլմերը, որտեղ նրա կերպարները շատ են ուտում, հանդիսատեսին ավելի շատ են դուր գալիս և ավելի բարձր գնահատականի են արժանանաում, քան դերասանի մասնակցությամբ այլ ֆիլմերը: Նման եզրահանգման է եկել LundgrensFrontKick նիկով Reddit-ի օգտատերը, որը մեկ ամիս վերլուծել է Բրեդ Փիթի ֆիլմագրությունը:
Reddit-ի օգտատերը հոլիվուդյան աստղի բոլոր աշխատանքները բաժանել է երեք խմբի: Առաջին խմբում այն ժապավեններն են, որտեղ դերասանը ոչինչ չի ուտում. դրանք միջինում 68 միլիոն դոլար են հավաքում: Ըստ LundgrensFrontKick-ի հաշվարկների, IMBd-ի կայքում դրանց միջին գնահատականը 6.9 միավոր է:
Ֆիլմերը, որոնցում Փիթի մարմնավորած կերպարն ավելի քան 200 կալորիա է ուտում, հեռուստադիտողներն ավելի են գնահատում: Դրանց միջին գնահատականը IMBd-ում 6.8 միավոր է, բայց դրա փոխարեն մոտ 110 միլիոն դոլար են հավաքում:
Երրորդ խմբի կինոնկարները, որտեղ Փիթը 200-ից ավելի կալորիա է ուտում, ամենամեծ հաջողությունն ունեն. IMBd-ում 7 միավոր և 143 միլիոն դոլարի չափով հասույթ:
Reddit-ի օգտատերը հաշվարկել է, որ, ընդհանուր առմամբ, իր ամբողջ կարիերայի ընթացքում, Բրեդ Փիթը էկրանին 4986 կալորիա է կերել: Ամենաշատ կալորիաները (495 կալորիա) բաժին է ընկելը «Մարդը, որն ամեն ինչ փոխեց» ֆիլմին, որտեղ Փիթը մարմնավորել է բեյսբոլի թիմի մարզչի, որը սթրեսի դեպ պայքարել է ուտելով:
Միևնույն ժամանակ, ուսումնասիրության հեղինակի կարծիքով, դերասանի ուտելու լավագույն տեսարանները նկարահանվել են «Օուշենի տասնմեկ ընկերները», «Զայրույթ» և «Միստր և միսիս Սմիթները» ֆիլմերում:
