The Independent-ը կազմել է Հարի Փոթերի բոլոր ֆիլմերի վարկանիշը։ Ամենավատ ֆիլմը համարվել է 2018 թ. Էկրաններին հայտնված «Ֆանտաստիկ արարածներ. Գրին դե Վալդի հանցագործությունները» ֆիլմը:
Ըստ քննադատների՝ կախարդական կենսաբան Նյուտ Սալամանդերի մասին ֆիլմը գրեթե մինչև վերջ հանդիսատեսին լարված է պահում, սակայն վերջին կադրերում այն վերածվում է «անիմաստ զրույցի և կապերի անհասկանալի հաջորդականության»:
Այդ պատճառով ֆիլմը հայտնվեց տասներորդ հորիզոնականում: Նրան հաջորդում է «Հարրի Փոթերը և փյունիկի շքանշանը»: Ութերորդ տեղում «Հարրի Փոթերը և մահվան պարգևները » ֆիլմի առաջին մասն է:
Լավագույն ֆիլմը ճանաչվել է «Հարրի Փոթերը և Ազկաբանի բանտարկյալը», որի վրա 2004-ին աշխատել է Ալֆոնսո Կուարոն:
Երկրորդ տեղում է «Հարրի Փոթերը և փիլիսոփայական քարը» շարքի առաջին ֆիլմը, երրորդ տեղում՝ «Հարի Փոթերը և կրակի գավաթը» ֆիլմը: