Մեգան Մարքլը Վեսթմիսթերյան աբբայությունում պատարագին հայտնվել է բրիտանական Marks & Spencer ապրանքանիշի զուգագուլպաներով, հաղորդում է The Sun-ը:
Պատարագը մատուցվել է երկուշաբթի, մարտի 11-ին և նվիրված էր Ազգերի համագործակցության օրվան: Սասեքսի դքսուհին միջոցառմանը կրել է սալորի գույնի վերարկու և Վիկտորիա Բեքհեմի հավաքածուից շղթաների պրինտով զգեստ: Դքսուհու գլխարկը, ինչպես նշել են սոցցանցերում, հիշեցրել է կամ բորտուղեկցորդուհու կամ բուժքրոջ գլխադիր: Նա հանդերձանքը լրացրել է կանաչ զամշե կոշիկներով և նույն ապրանքանիշի պայուսակով:
Նորաձևության փորձագետները որոշել են, որ այդ օրը Մարքլը ընտրել է Marks & Spencer-ի 6 ֆունտ արժողությամբ մարմնագույն բարակ զուգագուլպաներ:
Ավելի վաղ հայտնի էր դարձել, որ արքայազն Չարլզի 70-ամյակի տոնակատարությանը նախապատրաստվելու ժամանակ Մեգան Մարքլը հրաժարվել է նշված ապրանքանիշի զուգագուլպաներ հագնել, դրանք աղբ անվանելով և պահանջել է Wolford ապրանքանիշի 35 ֆունտ արժողությամբ զուգագուլպաներ:
