Մարտի երկրորդ երկուշաբթի օրը Մեծ Բրիտանիայում և նրա նախկին գաղութներում նշում են Ազգերի համագործակցության օրը: Ավանդույթի համաձայն, այդ օրը Վեսթմինսթերյան աբբայությունում հանդիսավոր պատարագ է մատուցվում, որին մասնակցում են թագավորական ընտանիքի անդամները և այլ բարձրաստիճան պաշտոնյաներ, այդ թվում Մեծ Բրիտանիայի վարչապետ Թերեզա Մեյը և Համագործակցության 53 երկրների ներկայացուցիչներ:
Համագործակցության ղեկավար Բրիտանիայի թագուհի Եղիսաբեթ II-ին ուղեկցում էին նրա թոռները՝ արքայազններ Ուիլյամը և Հարին և նրանց կանայք՝ Քեյթ Միդլթոնը և Մեգան Մարքլը: Daily Mail-ի փոխանցմամբ, Սասեքսի դքսուհին կրել է սալորի գույնի վերարկու և Վիկտորիա Բեքհեմի հավաքածուից շղթաների պրինտով զգեստ: Դքսուհու գլխարկը, ինչպես նշել են սոցցանցերում, հիշեցրել է կամ բորտուղեկցորդուհու կամ բուժքրոջ գլխադիր: Նա հանդերձանքը լրացրել է կանաչ զամշե կոշիկներով և նույն ապրանքանիշի պայուսակով:
Քեյթ Միդլթոնը ժամանել է Catherine Walker ապրանքանիշի վառ կարմիր զգեստով և վերարկուով, որով նա արդեն հայտնվել է հանրությանը 2014-ին Նոր Զելանդիայում:
Հանդիպման ժամանակ Քեմբրիջի և Սասեքսի դքսուհիները համբուրվել են՝ հասարակությանը ցուցադրելով իրենց բարեկամական հարաբերությունները:
Եղիսաբեթ II-ը, որին ուղեկցում էր միջնեկ որդին՝ արքայազն Էնդրյուն, Յորքի դուքսը, վառ մանուշակագույն հանդերձանք էր ընտրել: Նույն երանգի վերարկու էր կրում նաև արքայազն Չարլզի կինը՝ Կամիլան:
