Հարկային օրենսգրքի շուրջ քննարկումները դեռ ընթանում են և ընթանում են ոչ թե այն պատճառով, որ անհամաձայնություններ կան, այլ որպեսզի այն իր վերջնական տեսքով, ավելի մտածված և ընդունելի տարբերակով ներկայացվի։ Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր, ԱԺ տնտեսական հարցերի հանձնաժողովի նախագահ Բաբկեն Թունյանը։
Նա հավաստիացրեց, որ Հարկային օրենսգրքով շրջանառության հարկի շեմը բարձրացվելու է հին մակարդակին՝ 115 մլն դրամ տարեկան։
Ինչ վերաբերում է դրույթին, որ որոշ ժառայություններ, այդ թվում հաշվապահական, խորհրդատվական, իրավաբանական, շրջանառության հարկից պետք է անցնեին ավելացված արժեքի հարկի դաշտ, Թունյանը նշեց, որ այդ դրույթը հանվել է և այդ ոլորտում գործունեություն ծավալողները կկարողանան մնալ շրջանառության հարկի դաշտում։
«ԵԱՏՄ կենսունակությունը կախված է նաև մեզնից։ Այդ առումով մենք ավելի ճկուն ենք և երրորդ երկրների հետ հարաբերվելու առումով ավելի շահեկան դիրքում ենք գտնվում, քան ԵԱՏՄ անդամ մյուս երկրները։ Ես չգիտեմ, թե այդ առավելությունը որքան կտևի, օրինակ, որոշ մաքսատուրքերի գծով մենք որոշակի արտոնություններ ունենք, ԵՄ-ի հետ համաձայնագիր ունենք, որը պետք է վավերացվի, այս փուլում պետք է փորձենք դրաննից առավելագույն չափով օգուտ քաղել»,-ընդգծեց Թունյանը։
