Ֆրենսիս Մուրի ղեկավարությամբ ամերիկացի գիտնականների խումբը պարզել է, որ գլոբալ տաքացման պատճառով եղանակային անոմալիաների աճը նպաստում է հասարակության ընկալմանն այն մասին, թե ինչպիսին պետք է լինի նորմալ կլիման։ Ընդ որում առաջանում է «գորտերը եռացող ջրի մեջ» ազդեցությունը, երբ արտաքին միջավայրի դանդաղ փոփոխությունները չեն ընդունվում որպես վտանգ։ Գիտնականների հոդվածը հրապարակվել է Proceedings of the National Academy of Sciences ամսագրում։
Փորձագետները վերլուծել են Twitter-ում հրապարակված 2,18 միլիոն հաղորդագրություն, որը հրապարակվել է ԱՄՆ-ի բնակիչների կողմից 2014թ. մարտից մինչև 2016թ. նոյեմբեր: Նրանք հայտնաբերել են 6 հազար թվիթ, որոնք կապված են եղանակի հետ և որոշել են, արդյոք դրանք բացասական, թե դրական հույզեր են արտահայտում: Գիտնականները դրանք նաև համեմատել են 1981-2016թթ. օդի առավելագույն ջերմաստիճանների, տեղումների, ամպի ծածկույթի և խոնավության տվյալների հետ։
Պարզվել է, որ մարդիկ հակված են մեկնաբանելու այն եղանակային պայմանները, որոնք անսովոր են թվում տվյալ ժամանակի և տեղի համար։ Եթե տվյալ տարածաշրջանում վերջին 5 տարիների ընթացքում ջերմաստիճանը նորմայից բարձրանում է, ապա սոցիալական ցանցերում արձագանք է առաջացնում խիստ ցուրտ օրերն ու շաբաթները, և հակառակը։
Եղանակը, որը նախկինում անսովոր էր թվում, արագ դառնում է նորմա, երբ կրկնվում էր 5 տարվա շրջափուլով: Միևնույն ժամանակ, հետազոտողները չեն գտել ապացույցներ, որ մարդիկ հարմարվում են կլիմայի փոփոխությանը, այսինքն՝ դիտարկվում է տրամադրության վրա կլիմայի փոփոխության բացասական ազդեցությունը։ Սա հիշեցնում է «գորտը եռացող ջրում» մետաֆորը, ըստ որի, գորտը դուրս կթռչի եռացող ջրից, բայց կեփվի, եթե նրան տեղավորես սառը ջրի մեջ, որը դանդաղ է տաքանում:
