Պրոգերիայի՝ «Բենջամին Բաթոնի հիվանդության» պատճառով 41-ամյա Թիֆանի Վեդեքինդը սովորականից 8 անգամ արագ է ծերանում: Աշխարհում հայտնի է ընդամենը 156 նման դեպք: Պրոգերիան գենետիկ արատ է. առաջացնում է մաշկի և ներքին օրգանների փոփոխություններ և օրգանիզմի վաղաժամ ծերացում:
Պրոգերիայով հիվանդների կյանքը կարճ է. նրանք սովորաբար ապրում են մինչև 20 տարի: Այսպիսով՝ Թիֆանին «Բենջամին Բաթոնի հիվանդությամբ» ամենածեր պացիենտն է: Նրա հասակը մոտ 135 սմ է, քաշը՝ 26 կգ: Մազերը թափվում են, սրտի հետ կապված խնդիրներ են առաջացել, սակայն նա չի վհատվում. զբաղվում է յոգայով և ղեկավարում մոմեր վաճառող ընկերությունը:
Պրոգերիայով ծնված երեխաների մոտ սկզբում ախտանշաններ չեն արտահայտվում: Սակայն արդեն կյանքի առաջին տարիներին նկատվում է մազաթափություն և աճի դանդաղում: Նրանց ատամներն արագ քայքայվում են, մաշկը նկատելիորեն ծերանում է, զարգանում են հոդերի հետ կապված խնդիրներ:
Թիֆանին ակտիվ կյանք է վարում, սիրում է պարել և ընկերների հետ զբոսնել: Նրանց, ովքեր տառապում են «Բենջամին Բաթոնի հիվանդությամբ», նա խորհուրդ է տալիս չներփակվել, այլ սիրտն աշխարհի առաջ բացել: «Թող ընտանիքի անդամներն ու ընկերներն աջակցեն ձեզ, որ կարողանաք ուրախանալ կյանքով»,- նշում է նա:
