ԱՄՆ պետքարտուղար Ջոն Քերին այսօր Սիրիայի իշխանություններին մեղադրել է «Ժնև-2» համաժողովի դեմ խոչընդոտներ ստեղծելու համար, հայտնում է RIA Novosti-ն:
Շաբաթ օրը ավարտվել էր «Ժնև-2»-ի միջսիրիական բանակցությունների 2-րդ ռաունդը, որի կազմակերպիչներ են հանդես եկել Ռուսաստանն ու ԱՄՆ-ը:
Դամասկոսի պատվիրակությանն ու ընդդիմությանը, փաստացի, դեռ չի հաջողվել պայմանավորվածություն ձեռք բերել ոչ մի կետի շուրջ:
«Մեզնից ոչ ոք զարմացած չէ, որ բանակցությունները եղել են դժվար, ու որ հիմա դժվար պահ է: Սակայն մենք բոլորս պետք է համաձայնենք, որ Ասադի ռեժիմի կողմից խոչընդոտների ստեղծումը առաջընթացն ավելի բարդ դարձրեց»,- հայտարարել է Քերին:
Միաժամանակ, նա կարծում է, որ ընդդիմությունը ցանկություն ցուցաբերել է պայմանավորվել սիրիական իշխանությունների հետ համաժողովի ընթացքում:
Նա նաև Սիրիայի իշխանություններին մեղադրել է «քաղաքացիական բնակչության վրա գազանային հարձակումների» համար, ներառյալ սովն ու ինքնաշեն ռումբերը:
