«Սասնա ծռեր» կուսակցության առաջնորդ Ժիրայր Սեֆիլյանը հայտարարել է, որ եթե ազատ չարձակվեն 2016 թվականի հուլիսին ոստիկանության ՊՊԾ գնդի գրավման ժամանակ ոստիկանների սպանության համար մեղադրվող Արմեն Բիլյանն ու Սմբատ Բարսեղյանը, ապա ժողովուրդն ինքը կպահանջի ապստամբության իր իրավունքն ու ապստամբների ազատությունը։ Սեֆիլյանը նաև հայտարարել է, որ համբերության բաժակը լցվել է։ Ի՞նչ մեսիջ է պարունակում այս վերջնագիրը․ արդյո՞ք սա 2016 թվականի հուլիսի գործողությունների կամ համանման այլ գործողությունների սպառնալիք է, թե՞ սա պարզապես քաղաքացիական անհնազանդության դրսևորումների կոչ է «Առաջին լրատվական»-ի հարցին հրապարակախոս Հրանտ Տեր-Աբրահամյանը պատասխանեց․ «Դե, որ սպառնալիք է, ակնհայտ է։ Թե ինչ տիպի գործողությունների սպառնալիք է, դա արդեն իրենց պետք է հարցնել։ Այստեղ քաղաքականապես ամենահետաքրքիր ու կարևոր հարցն այն է, թե ինչի է հենց հիմա այդ համբերության բաժակը լցվել։ Ինձ թվում է՝ սա մի ավելի լայն գործընթացի մաս է, որովհետև եթե ուշադիր լինենք՝ հայտնի շրջանակների կողմից նոր իշխանությունների նկատմամբ տեղեկատվական գրոհն ուժեղացել է։ Ես կարծում եմ, որ տեղեկատվական գրոհներն հենց այնպես չեն լինում։ Ենթադրաբար, սա ավելի լայն գրոհի նախապատրաստություն է, որը, երևի թե, նախապատրաստվում կամ ծրագրվում է լինել գարնանը, չգիտեմ՝ կիրականանա, թե չէ։ Ես այս հայտարարությունն այս կոնտեքստի մեջ եմ տեսնում»։
«Նիկոլ Փաշինյանն այն մարդը չի, որ եթե դու իրեն սպառնաս՝ ինքը սպառնալիքին զիջի։ Բայց սա էական չի, այստեղ սկզբունքային հարց է»,- հավելեց հրապարակախոսը։
Մանրամասները՝ տեսանյութում։
