Հայաստանի Հանրապետության արտաքին գործերի նախարարի նախարարի տեղակալ Ավետ Ադոնցը փետրվարի 25-ին ն ընդունել է ՀՀ-ում (նստավայրը` Մոսկվա) Պորտուգալիայի դեսպան Պաուլու Վիզեու Պինեյրուին (Paulo Vizeu Pinheiro)՝ հավատարմագրերի պատճենի հանձնման կապակցությամբ:
Ինչպես «Արմենպրես»-ին տեղեկացրին ՀՀ ԱԳՆ լրատվության և հանրային դիվանագիտության վարչությունից, շնորհավորելով դեսպան Վիզեյրուին Հայաստանում դիվանագիտական առաքելությունը սկսելու կապակցությամբ՝ նախարարի տեղակալը հույս 1 հայտնել, որ դեսպանի գործունեությունը նոր խթան կհանդիսանա երկկողմ հարաբերությունների աշխուժացման համար։
Զրուցակիցներն անդրադարձել են քաղաքական երկխոսության ակտիվացմանը, ԱԳՆ-ների միջև համագործակցության խորացմանը, առևտրատնեսական համագործակցության զարգացմանը, միջազգային կառույցներում, մշակութային և կրթական ոլորտներում համագործակցությանը, միջխորհրդարանական կապերի ընդլայնմանը և այլ երկկողմ հետաքրքրություն ներկայացնող հարցերի։
ԱԳ նախարարի տեղակալը ներկայացրել է ՀՀ-ԵՄ հարաբերությունների զարգացումը՝ հատկապես ՀԸԳՀ ճանապարհային քարտեզի կիրարկմանը վերաբերող հարցերը։ Դեսպանի խնդրանքով Ավետ Ադոնցը խոսել է տարածաշրջանային զարգացումների և ԼՂ կարգավորման գործընթացի մասին։
