Միջազգային Amnesty International իրավապաշտպան կազմակերպությունը նոր զեկույց է հրապարակել՝ «Օրենքներ, որոնք ստեղծվել են լռեցնելու համար. գլոբալ ճնշում քաղաքացիական հասարարակական կազմակերպությունների նկատմամբ» խորագրով:
Զեկույցում նշվել են երկրները, որտեղ ահաբեկման և ճնշման մեթոդներ են կիրառվում՝ ՀԿ-ների աշխատանքը կանխելու համար: Զեկույցում 50 երկիր է ընդգրկվել, որտեղ ՀԿ-ներին դեմ օրենքներ են գործում:
«Շատ երկրներ, ինչպես օրինակ՝ Ադրբեջանը, Չինաստանն ու Ռուսաստանը, հավելյալ պահանջներ են սահմանել ՀԿ-ների գրանցման և հաշվետվության համար: Պահանջների չիրագործումը նշանակում է ազատազրկում, պատժամիջոց, որն իրավապաշտպան Ռասուլ Ջաֆարովն անձամբ լավ գիտի, թե ինչ է»,- ասվում է իրավապաշտպան կամզակերպության կայքում:
Ռասուլ Ջաֆարովը ձերբակալվել է մարդու իրավունքների ակումբի շրջանակներում ցույցերին ակտիվ մասնակցելու համար և տարիների ազատազրկումից հետո բանտից դուրս է եկել 2016-ին:
Ինչպես նշվում է, Ադրբեջանում և մի շարք այլ երկրներում կազմակերպությունները, որոնք համարձակվում են խոսել մարդու իրավունքների պաշտպանությունից, ահաբեկման են ենթարկվում:
