Եվրոպայում ԱՄՆ-ի ամենամոտ դաշնակիցները միաձայն հերքել են ԱՄՆ նախագահ Դոնալդ Թրամփի վարչակազմի առաջարկը՝ ամերիկյան զորքերի դուրսբերումից հետո իրենց զորքերը «դիտորդների» կարգավիճակով թողնելու վերաբերյալ։ Այդ մասին գրում է The Washington Post-ը։
Թրամփի վարչակազմի կողմից դաշնակիցներին ուղղված հիմնական խնդրանքներից մեկը կայանում էր նրանում, որ «դիտորդների» ուժեր կազմավորվեին Թուրքիային Սիրիայի քրդերից բաժանող սահմանի սիրիական կողմի «անտվտանգ գոտում» վերահսկողություն իրականացնելու համար։
Այդ դաշնակիցների թվում են Ֆրանսիան և Մեծ Բրիտանիան, որոնք զորքեր ունեն Սիրիայում, ինչպես նաև Գերմանիան, որը Սիրիայում սեփական ուժեր չունի։
Ֆրանսիայի արտգործնախարար Ժան Իվ Լե Դրիանը նախորդ շաբաթ հայտարարել է, որ մտահոգված է Թրամփի նման ռազմավարությամբ։ Այս շաբաթ Մեծ Բրիտանիայ արտգործնախարար Ջերեմի Հանթը հայտարարել է, որ Սիրիայում ամերիկյան ուժերը բրիտանական ուժերով փոխարինելու հեռանկար չկա։
