«Մամուլի հետ սուրճ» հաղորդման փետրվարի 20-ի հյուրը meganews.am-ի գլխավոր խմբագիր Մարգարիտա Դավթյանն է։
Մեր զրուցակցն ընդգծեց՝ թեպետ կան մտահոգություններ, որ իշխանությունները գնում են խոսքի ազատության ճանապարհով՝ ինքն այդպես չի կարծում. «Ես որպես լրատվամիջոցի գլխավոր խմբագիր որևէ խնդիր չեմ ունեցել, որևիցե մեկը մեզ չի փորձել լռեցնել։ Գուցե կան «լրատվամիջոցներ», որոնք խնդիրներ ունեն, բայց կոնկրետ մեր լրատվամիջոցը իշխանությունների հետ խնդիրներ չի ունեցել»։
Մարգարիտա Դավթյանն անդրադարձավ օրվա մամուլի հրապարակումներին։ Սերժ Սարգսյանի եղբորորդու՝ Նարեկ Սարգսյանի արտահանձնման գործընթացի հետ կապված նշեց հետևյալը. «Ինձ միայն մի բան է հետաքրքրում, էլի կային մարդիկ, որոնք հետախուզման մեջ են եղել, ինձ զարմացնում է՝ ի՞նչ խնդիր կա, որ այսքան երկարում է Նարեկ Սարգսյանին Հայաստան տեղափոխելու խնդիրը»։
