Թուրքիային С-400 զենիթահրթիռային համակարգերի մատակարարման մասին գործարքը կիրականացվի մինչև 2019 թվականի վերջը: Լրագրողներին այս մասին հայտնել է «Ռոստեխ» պետական ընկերության գլխավոր տնօրեն Սերգեյ Չեմեզովը՝ գրում է russian.rt-ն:
«Մինչև այս տարվա վերջը մենք կավարտենք բոլոր մատակարարումները»,- ասել է ԱՄԷ-ում IDEX-2019 ցուցահանդեսին մասնակցող Չեմեզովը:
Հիշեցնենք, որ 2017 թ. դեկտեմբերին Ռուսաստանը և Թուրքիան 2.5 մլրդ դոլար արժողությամբ չորս C-400 դիվիզիոնների մատակարարման մասին համաձայնագիր էին կնքել: Մեկ տարի անց հայտնի դարձավ, որ Վաշինգտոնը Թուրքիային առաջարկել է 3.5 միլիարդ դոլարով իր Patriot համալիրները գնել:
