Հոլանդիայի ոստիկանությունը պարզում է երկրի առողջապահության նախկին նախարար Էլս Բորսթի մահվան հանգամանքները:
Նախնական տվյալների համաձայն՝ տեղի ունեցածի մեջ կրիմինիալ հետք կա: Ժամանակին՝ 2001թ., Բորսթը հասավ էֆթանազիայի մասին օրենքի ընդունմանը, որն իր նախադեպը չուներ աշխարհում:
Լինելով մասնագիտությամբ բժիշկ՝ նա նպաստեց օրենքի ընդունմանը, որը թույլ է տալիս օգտագործել մարդկային էմբիրոնները, որոնք ստացվում են աբորտների արդյունքում, բժշկական ու գիտական նպատակներով:
81-ամյա Բորսթի մարմինը հայտնաբերվել էր Բիլտհովեն քաղաքում՝ սեփական տան ավտոտնակում, երկուշաբթի օրը, հայտնում է NL Times-ը:
Ոստիկանություն էր զանգել նրա ընկերը, որն անհանգստացած էր, որ ճշտապահ կինը չի եկել իր հետ հանդիպման:
Մահվան պատճառները չեն հաղորդվում, սակայն կնոջ մարմնի վրա առկա հետքերը վկայում են ծեծի մասին: Ենթադրվում է, որ կինը կարող էր գողերի զոհը դառնալ:
Կնոջ մահը շոկ է առաջացրել Հոլանդիայի քաղաքական էլիտայի շրջանակներում և Հոլանդիայի լիբերալ հասարակության մեջ, գրում է BBC-ն:
